ಆತ್ಮೀಯ ಓದುಗರೇ ನಮ್ಮ ಹಿಂದೂ ಸಂಪ್ರದಾಯದಲ್ಲಿ ಲಕ್ಷ್ಮೀದೇವಿಗೆ ಹತ್ತಾರು ವಿಧಗಳಲ್ಲಿ ಪೂಜಿಸುತ್ತಾರೆ ಅಲ್ಲದೆ ಶುಕ್ರವಾರ ಲಕ್ಷೀದೇವಿಯ ವಿಶೇಷ ಪೂಜೆ ದಿನವಾಗಿದೆ, ಇನ್ನು ಲಕ್ಷ್ಮೀದೇವಿ ನೆಲೆಸಲು ಹತ್ತಾರು ಪೂಜಾಕ್ರಮ ಮಾಡುತ್ತಾರೆ ಬನ್ನಿ ಈ ಲೇಖನದ ಮೂಲಕ ಲಕ್ಷ್ಮೀದೇವಿಯ ಕುರಿತು ತಿಳಿಯೋಣ. ಹಣ ಇದ್ದರೆ ಮಾತ್ರ ಜೀವನ ನಡೆಸಲು ಸಾಧ್ಯ. ಹಣ ಎಂದರೆ ಲಕ್ಷ್ಮಿದೇವಿ ಎಂದು ಅರ್ಥ. ಲಕ್ಷ್ಮಿದೇವಿ ಸದಾ ನಮ್ಮ ಜೊತೆ ಇರಬೇಕು ಎಂದಾದರೆ ನಾವು ಅದರ ಪೂಜೆ ಮಾಡಬೇಕು. ಅದನ್ನು ಕೀಳಾಗಿ ನೋಡಬಾರದು. ಹಣ ಎಷ್ಟೇ ಇದ್ದರೂ ಅದರ ಮೇಲೆ ಮಲಗಿಕೊಳ್ಳುವುದು ಇಂತಹವುಗಳನ್ನು ಮಾಡಬಾರದು. ಹಾಗೆಯೇ ಹಣವನ್ನು ಮೆಟ್ಟಬಾರದು. ನಾವು ಇಲ್ಲಿ ಲಕ್ಷ್ಮಿದೇವಿ ಎಲ್ಲಿ ನೆಲೆಸುತ್ತಾಳೆ ಎನ್ನುವುದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಿಳಿಯೋಣ.
ಮೊದಲನೆಯದಾಗಿ ನೀವು ಪೂಜಿಸುವಂತ ಲಕ್ಷ್ಮೀದೇವಿ ಎಲ್ಲರ ಮನೆಯಲ್ಲಿ ನೆಲೆಸುವವಳಲ್ಲ ಯಾಕೆ ಅನ್ನೋದನ್ನ ನೋಡುವುದಾದರೆ ಇದಕ್ಕೆ ಹಲವಾರು ಕಾರಣಗಳು ಇವೆ. ಇವಳು ಸ್ವಚ್ಛವಾಗಿ ಇರುವ ಮನೆಯಲ್ಲಿ ನೆನೆಸುತ್ತಾಳೆ. ಯಾವ ಮನೆಯು ಶುದ್ಧವಾಗಿ ಇರುತ್ತದೆಯೋ ಆ ಮನೆಯಲ್ಲಿ ಲಕ್ಷ್ಮೀ ದೇವಿಯು ನೆಲೆಸುತ್ತಾಳೆ. ಯಾವ ಹೆಣ್ಣು ತನ್ನ ಮನೆಯನ್ನು ದಿನಾಲೂ ಸ್ವಚ್ಛವಾಗಿ ಇಟ್ಟುಕೊಳ್ಳುತ್ತಾಳೋ ಅಂತಹ ಮನೆಯಲ್ಲಿ ದೇವಿ ನೆಲೆಸುತ್ತಾಳೆ. ಹಾಗೆಯೇ ಮನೆಯಲ್ಲಿ ಯಾವಾಗಲೂ ಒಳ್ಳೊಳ್ಳೆಯ ಮಾತುಗಳನ್ನು ಆಡುತ್ತಿರಬೇಕು.
ಇನ್ನು ಮನೆಯಲ್ಲಿ ಲಕ್ಷ್ಮೀದೇವಿ ನೆಲೆಸಲು ಏನೆಲ್ಲಾ ಮಾಡಬೇಕು ನಮ್ಮ ಮನೆಗಳಲ್ಲಿ ಯಾವ ರೀತಿ ಇರಬೇಕು ಅನ್ನೋದನ್ನ ನೋಡುವುದಾದರೆ ಮನೆಯಲ್ಲಿ ಅಶುಭ ಮಾತುಗಳನ್ನು ಆಡುತ್ತಿರಬಾರದು. ಏಕೆಂದರೆ ಯಾವಾಗ ಸಮಯ ಸರಿ ಇರುತ್ತದೆ ಮತ್ತು ಸರಿ ಇರುವುದಿಲ್ಲ ಎಂದು ಹೇಳಲು ಸಾಧ್ಯವಿಲ್ಲ. ಯಾವುದೇ ವ್ಯಕ್ತಿಯು ಸಹ ಒಳ್ಳೆಯ ನಡವಳಿಕೆಯನ್ನು ಹೊಂದಿರಬೇಕು. ಮನೆಗೆ ಬಂದವರನ್ನು ಚೆನ್ನಾಗಿ ಉಪಚರಿಸಬೇಕು. ಅವರನ್ನು ಒಳ್ಳೆಯ ಭಾವದಿಂದ ಮಾತನಾಡಿಸಿ ಚೆನ್ನಾಗಿ ನೋಡಿಕೊಳ್ಳಬೇಕು. ಏಕೆಂದರೆ ಅತಿಥಿ ದೇವೋ ಭವ ಎನ್ನುವ ಮಾತಿದೆ. ಅತಿಥಿ ದೇವರು ಇದ್ದಂತೆ. ಹಾಗೆಯೇ ಹಳೆಯ ಕಾಲದಿಂದ ದೇವರು ಅತಿಥಿಯ ರೂಪದಲ್ಲಿ ಬರುತ್ತಾನೆ ಎಂಬ ನಂಬಿಕೆ ಇದೆ.
ಮನೆ ಅಷ್ಟೇ ಅಲ್ಲ ಮನುಷ್ಯ ಹಾಕಿಕೊಳ್ಳುವ ಬಟ್ಟೆ ಸ್ವಚ್ಛವಾಗಿ ಇರಬೇಕು. ಹಾಗೆಯೇ ದಿನನಿತ್ಯ ಸ್ನಾನ ಮಾಡಬೇಕು. ಏಕೆಂದರೆ ಲಕ್ಷ್ಮೀ ದೇವಿಗೆ ಸ್ವಚ್ಛತೆ ಮುಖ್ಯವಾಗಿದೆ. ಹಾಗೆಯೇ ಬಟ್ಟೆಯನ್ನು ದಿನಾಲೂ ಸ್ನಾನ ಮಾಡುವಾಗ ತೊಳೆಯಬೇಕು. ಅದನ್ನು ವಾರಗಟ್ಟಲೆ ಹಾಗೆಯೇ ಬಿಡಬಾರದು. ಏಕೆಂದರೆ ಲಕ್ಷ್ಮಿ ದೇವಿಯು ಶುಭ್ರತೆಗೆ ಪ್ರಾಶಸ್ತ್ಯ ನೀಡುತ್ತಾಳೆ. ಹಾಗಾಗಿ ಕೊನೆಯದಾಗಿ ಹೇಳುವುದೇನೆಂದರೆ ಮನೆಯನ್ನು ಶುಭ್ರವಾಗಿ ಇಟ್ಟುಕೊಳ್ಳಬೇಕು. ಬೆಳಿಗ್ಗೆ ಬೇಗನೆ ಎದ್ದು ಕಸವನ್ನು ಗುಡಿಸಿ ಮನೆಯನ್ನು ಸಾರಿಸಬೇಕು. ಮನೆಯಲ್ಲಿ ಯಾವಾಗಲೂ ಕಸ ಇರಲು ಬಿಡಬಾರದು. ಇದರಿಂದ ಮನೆಯಲ್ಲಿ ವೆಚ್ಚ ಅರೋಗ್ಯ ಕೂಡ ವೃದ್ಧಿಯಾಗುತ್ತೆ ಅಲ್ಲದೆ ಮಾನಸಿಕವಾಗಿ ಕೂಡ ಒಳ್ಳೆಯ ವಾತಾವರಣ ನಿರ್ಮಾಣವಾಗುತ್ತೆ
