ಹಲವು ವರ್ಷಗಳ ನಂತರ ಆರಸಿಬಿ ತಂಡ ಭರ್ಜರಿ ಆಟದ ಪ್ರದರ್ಶನ ಮಾಡುತ್ತಿದೆ. ಆರಸಿಬಿ ಅಭಿಮಾನಿಗಳು ಸಂತೋಷ ಪಡುತ್ತಿದ್ದಾರೆ. ನಮ್ಮ ಗ್ಲೆನ್ ಮ್ಯಾಕ್ಸವೆಲ್ ಉತ್ತಮ ಆಟ ಆಡುತ್ತಿದ್ದಾರೆ. ಅವರ ಆಟದ ಬಗ್ಗೆ ಹಾಗೂ ಆರೆಂಜ್ ಕ್ಯಾಪ್ ಅವರ ಪಾಲಾಗಿದೆ ಅದರ ಬಗ್ಗೆ ಈ ಲೇಖನದಲ್ಲಿ ನೋಡೋಣ.

ಇದುವರೆಗಿನ ಎಲ್ಲಾ ಪಂದ್ಯಗಳಲ್ಲಿ ಭಾರಿ ರನ್ ಗಳಿಸಿದೆ. ಬ್ಯಾಟ್ಸ್‌ಮನ್‌ಗಳು ಸಿಕ್ಸರ್‌ ಮತ್ತು ಬೌಂಡರಿಗಳನ್ನು ಸುರಿಸಿದ್ದಾರೆ, ಈ ಬಾರಿ ಆರೆಂಜ್ ಕ್ಯಾಪ್ ರೇಸ್ ಸಾಕಷ್ಟು ರೋಚಕವಾಗಿತ್ತು. ಐಪಿಎಲ್‌ನ ಮೊದಲ ಆವೃತ್ತಿಯಿಂದ ಇಲ್ಲಿಯವರೆಗೆ, ಪ್ರತಿವರ್ಷ ಈ ಅತಿದೊಡ್ಡ ಟಿ20 ಲೀಗ್‌ನಲ್ಲಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್‌ಗೆ ಕಿತ್ತಳೆ ಕ್ಯಾಪ್ ಎಂದು ನೀಡಲಾಗುತ್ತದೆ. ಆ ಆವೃತ್ತಿಯಲ್ಲಿ ಯಾರು ರನ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುತ್ತಾರೋ ಆರೆಂಜ್ ಕ್ಯಾಪ್ ಅವರ ಪಾಲಾಗುತ್ತದೆ. ಪ್ರತಿ ಪಂದ್ಯದೊಂದಿಗೆ ಪಟ್ಟಿಯನ್ನು ಬದಲಾಯಿಸಿದಂತೆ ಕ್ಯಾಪ್ ಹೊಂದಿರುವವರು ಸಹ ಬದಲಾಗುವುದು ಸಾಮಾನ್ಯವಾಗಿದೆ. ಈ ಬಾರಿ ಆರೆಂಜ್ ಕ್ಯಾಪ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಗ್ಲೆನ್ ಮ್ಯಾಕ್ಸ್ ವೆಲ್ ಪಾಲಾಗಿದೆ. 176 ರನ್ ಬಾರಿಸಿರುವ ಮ್ಯಾಕ್ಸ್​ವೆಲ್ ಆರೆಂಜ್ ಕ್ಯಾಪ್ ಹೋಲ್ಡರ್​ ಆಗಿದ್ದಾರೆ ಇದು ಆರ್ಸಿಬಿ ಅಭಿಮಾನಿಗಳಿಗೆ ಸಂತೋಷದ ವಿಷಯವಾಗಿದೆ.

ಈ ಬಾರಿ ಯಾವುದೇ ತಂಡವು ಹೋಮ್ ಗ್ರೌಂಡ್‌ನ ಲಾಭವನ್ನು ಪಡೆಯುತ್ತಿಲ್ಲ. ಲೀಗ್ ಸುತ್ತಿನಲ್ಲಿ ಯಾವುದೇ ತಂಡ ತಮ್ಮ ತವರು ಮೈದಾನದಲ್ಲಿ ಸ್ಪರ್ಧಿಸುವುದಿಲ್ಲ ಏಕೆಂದರೆ ಈ ಬಾರಿ ಐಪಿಎಲ್ ಭಾರತ, ಮುಂಬೈ, ಚೆನ್ನೈ, ಬೆಂಗಳೂರು, ಅಹಮದಾಬಾದ್, ನವದೆಹಲಿ ಮತ್ತು ಕೋಲ್ಕತ್ತಾ ಎಂಬ ಆರು ಸ್ಥಳಗಳಲ್ಲಿ ಇರಲಿದೆ.

ಪಂದ್ಯಾವಳಿಯ ಫೈನಲ್ ಪಂದ್ಯವು ಮೇ 30 ರಂದು ನರೇಂದ್ರ ಮೋದಿ ಕ್ರಿಕೆಟ್ ಕ್ರೀಡಾಂಗಣ ಅಹಮದಾಬಾದ್‌ನಲ್ಲಿ ನಡೆಯಲಿದೆ. ಕೊರೊನಾದಿಂದ ತಂಡಗಳು ಹೆಚ್ಚು ಪ್ರಯಾಣಿಸಬೇಕಾಗಿಲ್ಲ ಎಂಬುದನ್ನು ಗಮನದಲ್ಲಿಟ್ಟುಕೊಂಡು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂಬ ಮಾಹಿತಿ ದೊರೆತಿದೆ. ಈ ಬಾರಿ ಕೆಲವು ಸಣ್ಣ ಬದಲಾವಣೆಗಳನ್ನು ಮಾಡಲಾಗಿದೆ. 11 ಡಬಲ್ ಹೆಡರ್‌ಗಳು ಅಂದರೆ ಒಂದು ದಿನದಲ್ಲಿ ಎರಡು ಪಂದ್ಯಗಳನ್ನು ಆಡಲಾಗುತ್ತದೆ. ಇದುವರೆಗೂ ಆರೆಂಜ್ ಕ್ಯಾಪ್ ಪಡೆದುಕೊಂಡವರೆಂದರೆ ಗ್ಲೆನ್ ಮ್ಯಾಕ್ಸ್‌ವೆಲ್ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು), 3 ಪಂದ್ಯಗಳು, 176 ರನ್, ನಿತೀಶ್ ರಾಣಾ (ಕೋಲ್ಕತಾ ನೈಟ್ ರೈಡರ್ಸ್), 3 ಪಂದ್ಯಗಳು, 155 ರನ್, ಎಬಿ ಡಿವಿಲಿಯರ್ಸ್ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು), 3 ಪಂದ್ಯಗಳು, 125 ರನ್, ಸಂಜು ಸ್ಯಾಮ್ಸನ್ (ರಾಜಸ್ಥಾನ್ ರಾಯಲ್ಸ್), 2 ಪಂದ್ಯಗಳು, 123 ರನ್, ಜಾನಿ ಬೈರ್‌ಸ್ಟೋವ್ (ಸನ್‌ರೈಸರ್ಸ್ ಹೈದರಾಬಾದ್), 3 ಪಂದ್ಯಗಳು, 110 ರನ್.

Leave a Reply

Your email address will not be published. Required fields are marked *